نشر صانع المحتوى المعروف ماجد مسلم قصة غريبة لمدير في شركة مصرية كان له قرار أغرب من الخيال وهو منع موظفيه من دخول الحمام في الشركة إلا مرة واحدة في اليوم.
وأكد مسلم أن حتى المرة الوحيدة التي يسمح أن يدخل فيها الموظفين الحمام يشترط قبلها أن يحصلون على إذن شخصي من هذا المدير.
ونشر صانع المحتوى المعروف تفاصيل مأساة أحد الموظفين العاملين في هذه الشركة والذي قرر تركها بسبب هذا القرار الغريب والتعسفي، حيث قال نصا: بتكلم مع واحد شغال في شركة بتعامل معاها من فترة، واتفاجأت إنه هيسيب الشركة بسبب إن مديره قاله مؤخرًا إنه يعمل حسابه يدخل الحمام في بيته مرة قبل ما يروح الشركة الصبح، وله مرة واحدة يدخل فيها الحمام أثناء الشغل، ولما يحب يروح الحمام في المرة المسموح بيها لازم يكلم مديره الأول يستأذنه.
وأضاف في منشوره: قالي تخيل إن أنا مسموحلي أدخل الحمام مرة واحدة في 10 أو 12 ساعة في اليوم، وشغلي أغلبه في الجزء الخارجي من مقر الشركة في السقعة دي، وساعات بيبقا شغلي بليل لحد الفجر، وعلى رغم إني شغال بقالي 8 سنين، ومفيش حد اشتكى مني مرة واحدة، وعمري ما بتدلع في شغلي إلا إن المدير بتاعي قرر كدا من دماغه، ولو مش عاجبني أسيب الشغل..
مع التأكيد إني شخصيا أشهد للموظف بالاحترام والأمانة والجدية على مدار آخر 4 سنين اللي اتعامل معاه فيهم
.
واختتم ماجد مسلم تصريحاته قائلا: علفكره هو رجل محترم عنده 30 سنة و اب لطفلين، يعني مش عيل وحتى لو عيل محدش له انه يتحكم في حد بالشكل دا..انت متخيل حكم البشر عالبشر ممكن يوصل لأيه؟!
